شہ بغداد کا جلوہ

خدا خود والہ و شیدا جناب غوث اعظم کا

سر عالم میں ہے سودا جناب غوث اعظم کا

بشر شیدا ، ملک شیدا ، زمین و آسمان شیدا

جسے دیکھا وہی شیدا جناب غوث اعظم کا

جو دیکھے اک نظر بھر کر شہ بغداد کا جلوہ

رہے تا حشر متوالا جناب غوث اعظم کا

تعالیٰ اللہ زہے حسن و جمال شاہ جیلانی

عجب حسن جہاں آراء جناب غوث اعظم کا

دل مضطر کی کیفیت بدل جاتی ہے دم بھر میں

ہے کیا پر کیف نظارہ جناب غوث اعظم کا

جلال پاک کی ہیبت ہے چھائی سارے عالم میں

ہے ہر سو بج رہا ڈنکا جناب غوث اعظم کا

اگر وہ ناز سے پوچھیں تو کس کا بندہ ہے حافظ

کہوں بے ساختہ شاہا " جناب غوث اعظم کا

حضرت حافظ برکت علی قادری رحمۃ اللہ علیہ

دینِ اسلام کے احکام اور اوامر و نواہی کا منبع اور سرچشمہ قرآن اور سنت و سیرت نبوی صلی اللہ علیہ وآلہ وسلم ہے۔ اچھے اور صالح اسلامی معاشرے میں لوگ اطاعت الٰہی اور اتباع رسول صلی اللہ علیہ وآلہ وسلم کو ہی معیار عمل سمجھتے ہیں۔ تاہم دین سے دوری اور بے عملی کی وجہ سے ہر دور میں کچھ طبقات معاملاتِ حیات میں ڈگمگا جاتے ہیں۔ ایسے میں علمائے حق اور داعیان دین کا فریضہ ہوتا ہے کہ وہ سادہ لوح لوگوں کی ہدایت و رہنمائی فرمائیں۔ جائز اور ناجائز میں، حلال و حرام میں، توحید اور شرک میں فرق سمجھائیں۔ احکامِ دین کی تبلیغ میں ذاتی مفادات کو آڑے نہ آنے دیں ورنہ دین کھیل بن جائے گا۔ ذیل میں اسی طرح کے کچھ امور کا ذکر ہو رہا ہے جن میں احتیاط اور پرہیز ضروری ہے مثلاً